കരുണയുടെ പ്രാർത്ഥനയെപ്പറ്റി യേശു സി. ഫൗസ്റ്റീനായോടു പറഞ്ഞത്
1. ഞാൻ നിന്നെ പഠിപ്പിച്ച കാരുണ്യത്തിന്റെ ഈ ജപമാലപ്രാർത്ഥന നിരന്തരം ചൊല്ലുക.
2. ആരെല്ലാം ഈ പ്രാർത്ഥന ചൊല്ലുന്നുവോ, അവ രെല്ലാം എന്റെ വലിയ കരുണപ്രാപിക്കും, പ്രത്യേ കിച്ചും മരണസമയത്ത്. മരണാസന്നരുടെ സമീപത്ത് കരുണക്കൊന്ത ചൊല്ലുമ്പോൾ ആ വ്യക്തിയുടേയും പിതാവിന്റെയും നടുവിൽ ഞാൻ ഒരു ന്യായാധിപനായിട്ടല്ല, രക്ഷകനായി നിലകൊള്ളും.
3. അവസാന രക്ഷാമാർഗ്ഗമായി പാപികൾക്ക് വൈദികർ ഇത് നിർദ്ദേശിച്ചു കൊടുക്കണം.
4. എത്ര വലിയ കഠിനപാപിയായാൽ തന്നെയും, ഒരിക്കലെങ്കിലും ഈ അനുഗ്രഹ ജപമാലപ്രാർത്ഥന ചൊല്ലിയാൽ എന്റെ അനന്തകാരുണ്യത്തിൽ നിന്നും കൃപ പ്രാപിക്കുന്നതാണ്.
5. ഈ പ്രാർത്ഥന ചൊല്ലുന്ന ആത്മാക്കൾക്ക് എതവലിയ അനുഗ്രഹങ്ങളാണ് ഞാൻ പ്രദാനം ചെയ്യുന്നത്.
6. ഈ അനുഗ്രഹ ജപമാല പ്രാർത്ഥനവഴി നീ എന്താവശ്യപ്പെട്ടാലും ഞാൻ നൽകുന്നതാണ്.
7. എന്റെ അനന്തകാരുണ്യത്തെപ്പറ്റി സമസ്തലോകവും അറിയണമെന്ന് ഞാൻ ആഗ്രഹിക്കുന്നു.
8) എന്റെ കരുണയിൽ ആശ്രയിക്കുന്നവർക്ക് ഗ്രഹിക്കുവാൻ സാധിക്കാത്ത തരത്തിലുള്ള കൃപാവരംനൽകുന്നതാണ്.
(വിശുദ്ധ ഫൗസ്തീനയുടെ ഡയറിക്കുറിപ്പുകളെ അടിസ്ഥാനത്തിൽ തയ്യാറാക്കിയത്)
യേശുവേ അങ്ങയുടെ മുറിവുകളുടെ യോഗ്യതയാൽ എന്നെ സുഖപ്പെടുത്തണമേ.
അങ്ങയുടെ തിരു രക്തത്തിൻറെ യോഗ്യതയാൽ എൻറെയും പൂർവ്വീകരുടെയും പാപങ്ങൾ ക്ഷമിക്കണമേ.
അങ്ങയുടെ പുനരുദ്ധാന ശക്തിയാൽ എൻറെ മേൽ പരിശുദ്ധാത്മാവിനെ അയക്കണമേ.
ആമ്മേൻ.
സമർപ്പണപ്രാർത്ഥന
യേശുവേ, എന്നെയും എനിക്കുള്ളവയേയും എന്റെ ബന്ധുജനങ്ങളേയും സകലരേയും
അങ്ങയുടെ ദിവ്യകാരുണ്യ ഹൃദയത്തിലും പരിശുദ്ധ അമ്മയുടെ വിലമഹൃദയത്തിലും ഞാൻ സമർപ്പിക്കുന്നു.
ആമ്മേൻ.
പ്രാരംഭ പ്രാർത്ഥന
(മൗനമായി നിങ്ങളുടെ നിയോഗങ്ങൾ ഓർക്കുക.)
യേശുവേ അങ്ങയുടെ കുരിശുമരണം വഴിയായി, സർവ്വ ആത്മാക്കളുടേയും രക്ഷക്കാ യുള്ള, ജീവജലത്തിന്റെ ഉറവിടവും, കരുണ യുടെ കടലും അങ്ങ് തുറന്നു തന്നു.
ഓ! ജീവന്റെ ഉറവിടമേ അനന്തമായ ദൈവീക കരുണയെ, ലോക മുഴുവന്റെ മേലും, ഞങ്ങളുടെ മേലും കാരുണ്യം ചൊരിയണമെ.
കുത്തിമുറിക്കപ്പെട്ട, അങ്ങയുടെ ഹൃദയത്തിൽ നിന്നും കുത്തിഒഴുകിയ, രക്തത്തി ന്റെയും, വെള്ളത്തിന്റെയും ഉറവയിൽ, ഞാൻ ശര ണപ്പെടുന്നു.
1 സ്വര്‍ഗ്ഗ. , 1 നന്മ. ,
(വലിയ മണികളില്‍)
നിത്യപിതാവേ!എന്‍റെയും ലോകമൊക്കെയുടെയും പാപപരിഹാരത്തിനായി അങ്ങയുടെവത്സല
സുതനും ഞങ്ങളുടെ നാഥനും രക്ഷകനുമായ കര്ത്താവീശോമിശിഹായുടെ തിരുശരീരരക്തങ്ങളും ആത്മാവും ദൈവത്വവും
ഞങ്ങളുടെയും ലോകം മുഴുവന്റെയും പാപപരിഹാരത്തിനായി ഞങ്ങൾ അങ്ങേയ്ക്ക് കാഴ്ച വയ്ക്കുന്നു.(ഒരു പ്രാവശ്യം)
(ചെറിയമണികളില്‍)
ഈശോയുടെ അതിദാരുണമായ പീഡാനുഭവങ്ങളെക്കുറിച്ച്, പിതാവേ, ഞങ്ങളുടെ മേലും ലോകം മുഴുവന്റെ മേലും കരുണയായിരിക്കണമേ. (10 പ്രാവശ്യം)
പരിശുദ്ധനായ ദൈവമേ, പരിശുദ്ധനായ ബലവാനെ, പരിശുദ്ധനായ അമര്‍ത്യനേ, ഞങ്ങളുടെ മേലും ലോകം മുഴുവന്റെ മേലും കരുണയായിരിക്കണമേ (3 പ്രാവശ്യം)
(ഓരോ ദിവസത്തെയും നിയോഗ പ്രാർത്ഥന ചൊല്ലുക)
ഒന്നാം ദിനം
(നിയോഗം എല്ലാ പാപികളുടേയും മാനസാന്തരത്തിനായി പ്രാർത്ഥിക്കുക)
നിത്യപിതാവേ! ഏറ്റവും കരുണയുള്ള അങ്ങയുടെ ഹൃദയത്തിൽ എല്ലാ പാപികളേയും നിത്യ മായി അങ്ങേ അനന്ത കരുണയിൽ സ്വീകരിക്കണമേ. ഏറ്റവും കരുണയുള്ള ഈശോയെ! ഞങ്ങളോട് ക്ഷമിക്കണമേ. ഞങ്ങളുടെ പാപങ്ങളെ നോക്ക രുതേ. അനന്തനന്മയായ അങ്ങിൽ ഞങ്ങൾ ശരണ പ്പെടുന്നു. അങ്ങയുടെ ഏറ്റവും കരുണയുടെ ഹൃദയ ത്തിൽ ഞങ്ങളെ സ്വീകരിക്കണമേ. അങ്ങിൽനിന്ന് ഒരിക്കലും വിട്ടുനിൽക്കാൻ ഇടയാക്കല്ലേ. പിതാവിനോടും പരിശുദ്ധാത്മാവിനോടും നിന്നെ ഒന്നിപ്പിക്കുന്ന സ്നേഹം ഞങ്ങൾ യാചിക്കുന്നു. കർത്താവീശോമിശിഹായുടെ പീഢാനുഭവത്തെക്കുറിച്ച് അങ്ങയുടെ കാരുണ്യത്തിന്റെ സർവ്വശക്തിയെ എപ്പോഴും എന്നേയ്ക്കും പുകഴ്ത്തട്ടെ.
ആമ്മേൻ.
രണ്ടാം ദിനം
(നിയോഗം വൈദികർക്കും സന്യസ്തർക്കും വേണ്ടി പ്രാർത്ഥിക്കുക)
ഏറ്റവും കരുണയുള്ള ഈശോയെ! എല്ലാ നന്മകളുടേയും ഉറവിടമേ! അങ്ങയുടെ പ്രസാദവരങ്ങൾ ഞങ്ങളിൽ വർദ്ധിപ്പിക്കണമേ. കരുണയുടെ പ്രവൃത്തികൾ ചെയ്യുവാനും അതുവഴി ഞങ്ങളെ കാണുന്നവരെല്ലാം കരുണയുടെ പിതാവിനെ പുക വാനും ഇടവരട്ടെ. നിത്യനായ പിതാവേ കരുണാർദ്രമായ അങ്ങയുടെ കണ്ണുകൾ അങ്ങയുടെ മുന്തിരിത്തോപ്പിലെ തെരഞ്ഞെടുക്കപ്പെട്ട വേലക്കാരായ സന്യസ്തരുടേയും വൈദികരുടേയും നേർക്കു തിരിക്കണമെ അങ്ങയുടെ അനുഗ്രഹങ്ങൾക്കൊണ്ട് അവരെ ആഭരണമണിയിക്കണം. അങ്ങയുടെ തിരുക്കുമാരന്റെ തിരുഹൃദയത്തോടുള്ള സ്നേഹത്താൽ മുദ്രയിടപ്പെട്ടിരിക്കുന്ന അവർക്കു അങ്ങയുടെ ശക്തിയും പ്രകാശവും പ്രദാനം ചെയ്യണമെ. അങ്ങനെ അവർ മറ്റുള്ളവരേയും രക്ഷയുടെ മാർഗ്ഗത്തിലേക്കു നയിക്കുന്നതിനും, ഏകസ്വരത്തിൽ അങ്ങയുടെ അളവില്ലാത്ത കരുണയെ പാടിപ്പുകഴ്ത്തുന്നതിനും ഇടയാകട്ടെ.
ആമ്മേൻ.
മൂന്നാം ദിനം
(നിയോഗം: ദൈവവിശ്വാസികൾക്കു വേണ്ടി പ്രാർത്ഥിക്കുക)
ഏറ്റവും കരുണയുള്ള ഈശോയെ, അങ്ങ യുടെ കരുണയുടെ നിക്ഷേപത്തിൽനിന്നു ഞങ്ങൾക്കെല്ലാവർക്കും, ഓരോരുത്തർക്കും സമൃദ്ധമായ അളവിൽ പ്രസാദവരങ്ങൾ വർഷിക്കണമെ, സഹതാപ നിർഭരമായ അങ്ങയുടെ ഹൃദയത്തിൽ ഞങ്ങൾക്ക് അഭയം നൽകണമെ. അവിടെനിന്ന് അകന്നു പോകുവാൻ ഞങ്ങളെ അനുവദിക്കരുതേ, സ്വർഗ്ഗസ്ഥനായ പിതാവിനോടുള്ള സ്നേഹത്താൽ അതി തീഷ്ണമായി ജ്വലിച്ചുകൊണ്ടിരിക്കുന്ന അങ്ങയുടെ ഹൃദയത്തെ പ്രതി ഈ അനുഗ്രഹം ഞങ്ങൾ അങ്ങയോടു യാചിക്കുന്നു.
നിത്യനായ പിതാവേ വിശ്വാസികളുടെ ആത്മാക്കളുടേമേൽ കരുണാർദ്രമായ അങ്ങയുടെ നോട്ടം പതിക്കണമേ. അവർ അങ്ങയുടെ പുത്രന്റെ അനന്തരാവകാശികളണാല്ലോ. അങ്ങേ പുത്രന്റെ കഠിന പീഢകളെ പ്രതി അങ്ങയുടെ അനുഗ്രഹങ്ങൾ അവരിൽ ചൊരിയണം. അങ്ങയുടെ നിരന്തരമായ സംരക്ഷണം അവരോടുകൂടെ ഉണ്ടായിരിക്കണമെ അങ്ങനെ അവർ അങ്ങയോടുള്ള സ്നേഹത്തിൽ പരാജയപ്പെടാതിരിക്കട്ടെ. അങ്ങയിലുള്ള പരിശുദ്ധമായ വിശ്വാസത്താൽ അവർ ഉറച്ചുനിൽക്കട്ടെ. സ്വർഗ്ഗത്തിലുള്ള എല്ലാ മാലാഖമാരോടും വിശുദ്ധ ന്മാരോടുമൊപ്പം അങ്ങയുടെ അളവില്ലാത്ത കരുണയെ മഹത്വപ്പെടുത്തുന്നതിന് അവർക്കിടയാകട്ടെ. എപ്പോഴും എന്നേക്കും.
ആമ്മേൻ.
നാലാം ദിനം
(നിയോഗം: അവിശ്വാസികൾക്കായും യേശുവിനെ അറിയാത്തവർക്കായും പ്രാർത്ഥിക്കുക.
ഏറ്റവും സഹതാപാർദ്രനായ എന്റെ ഈശോയെ അങ്ങാകുന്നു ലോകം മുഴുവന്റെയും വെളിച്ചം. ദയാനിർഭരമായ അങ്ങയുടെ ഹൃദയത്തിൽ അവിശ്വാസികളുടേയും അങ്ങേ അറിയാത്തവരുടേയും ആത്മാക്കളെ സ്വീകരിക്കണമെ. അങ്ങയുടെ കൃപാകിരണങ്ങൾ അവരെ പ്രകാശിപ്പിക്കുകയും അങ്ങനെ മഹനീയമായ അങ്ങയുടെ കരുണയെ അവർ വാഴ്ത്തുവാനിടയാവുകയും ചെയ്യട്ടെ. കരുണാ സമ്പന്നമായ അങ്ങയുടെ ഹൃദയത്തിൽ നിന്ന് അകന്നു പോകാൻ അവരെ അനുവദിക്കരുതേ. നിത്യനായ പിതാവേ! അങ്ങയിൽ വിശ്വസിക്കാത്തവരും അങ്ങനെ അറിയാത്തവരും ആണെങ്കിലും ഈശോയുടെ ദയനിറഞ്ഞ ഹൃദയത്തിൽ സ്ഥാനം ലഭിച്ചിരിക്കുന്ന ആത്മാക്കളുടെ മേൽ അങ്ങയുടെ കരുണാകടാക്ഷം ഉണ്ടാകണമേ. സുവിശേഷ വെളിച്ചത്തിലേക്ക് അവരെ ആനയിക്കണമെ. അങ്ങയെ സ്നേഹിക്കുക എത്ര ആനന്ദപ്രദമായ അനുഭവമാണെന്ന് ഈ ആത്മാക്കൾ അറിയുന്നില്ല. അങ്ങയുടെ കരുണയുടെ സമൃദ്ധിയെ പുകഴ്ത്തുവാൻ ഇവർക്കും വരമേകണമേ. ഇപ്പോഴും എപ്പോഴും എന്നേക്കും.
ആമ്മേൻ.
അഞ്ചാം ദിനം
(നിയോഗം: സത്യസഭയിൽ നിന്ന് വേർപിരിഞ്ഞുപോയ സഹോദരങ്ങൾക്കായി പ്രാർത്ഥിക്കുക)
ഏറ്റവും കരുണയുള്ള ഈശോയെ! നന്മയുടെ ഉറവിടമെ അങ്ങയുടെ പ്രകാശം അന്വേഷിക്കു അവരെ അവിടുന്ന് നിരസിക്കുകയില്ലല്ലോ. സത്യ സഭയിൽനിന്ന് വേർപിരിഞ്ഞുപോയ സഹോദരങ്ങളുടെ ആത്മാക്കളെ അങ്ങയുടെ ദയാപൂർണ്ണമായ ഹൃദയത്തിൽ സ്വീകരിക്കണമെ. അങ്ങയുടെ പ്രകാശം നൽകി സഭയുടെ ഐക്യത്തിലേക്ക് അവരെ ആനയിക്കണമേ. സഹതാപ സമ്പൂർണ്ണമായ അങ്ങയുടെ ഹൃദയത്തിൽനിന്ന് അകന്നു പോകുവാൻ അവരെ അനുവദിക്കരുതേ, പകരം അവർക്കിവിടെ സ്ഥാനം നൽകി അങ്ങയുടെ സമൃദ്ധിയെ പുകഴ്ത്തുവാനിടയാകട്ടെ.
നിത്യനായ പിതാവേ വിശ്വാസത്തിൽനിന്ന് വേർതിരിഞ്ഞുപോയ സഹോദരങ്ങളുടെമേൽ, പ്രത്യേകിച്ച് അങ്ങയുടെ പ്രസാദവരങ്ങളെ നിരസിച്ച് മനഃപൂർവ്വം തെറ്റിൽ നിലനില്ക്കുന്നവരുടെമേൽ അങ്ങയുടെ ദയാദൃഷ്ടി തിരിക്കണം. അവരുടെ തെറ്റുകളെ അങ്ങു പരിഗണിക്കരുതേ, അങ്ങയുടെ പുത്രന് അവരോടുള്ള സ്നേഹവും അവർക്കു വേണ്ടി ഏറ്റസഹനവും അവർക്കു ഈശോയുടെ ദയാ സമൃദ്ധമായ ഹൃദയത്തിലുള്ള സ്ഥാനവും അങ്ങു പരിഗണിക്കണമേ. അങ്ങയുടെ പുത്രന് അവരോടുള്ള സ്നേഹവും അവർക്കു വേണ്ടി ഏറ്റ സഹനവും അവർക്കു ഈശോയുടെ ദയാസമൃദ്ധമായ ഹൃദയത്തിലുള്ള സ്ഥാനവും അങ്ങു പരിഗണിക്കണമേ. അങ്ങയുടെ മഹനീയമായ മഹിമയെ പാടിപുകഴ്ത്തുവാൻ അവരേയും അങ്ങേ സവിധത്തിലേക്ക് അടുപ്പിക്കണമെ. എപ്പോഴും എന്നേക്കും.
ആമ്മേൻ.
ആറാം ദിനം
(നിയോഗം: ശിശുക്കൾക്കായി പ്രാർത്ഥിക്കുക)
ഏറ്റവും കരുണയുള്ള ഈശോയെ! ഞാൻ ശാന്തശീലനും വിനീതനുമാകയാൽ എന്നിൽ നിന്നു പഠിക്കുവിൻ എന്ന് അങ്ങ് തന്നെ അരുളിച്ചെയ്തിട്ടുണ്ടല്ലോ. വിനീത ഹൃദയരുടേയും ശിശുക്കളുടേയും ആത്മാക്കളെ അങ്ങയുടെ കരുണാനിർഭരമായ ഹൃദയത്തിൽ സ്വീകരിക്കേണമെ. സ്വർഗ്ഗസ്ഥനായ പിതാവിന്റെ പ്രിയപ്പെട്ടവരും,
സ്വർഗ്ഗത്തെ മുഴുവന് ആനന്ദിപ്പിക്കുന്നവരും ഈ ആത്മാക്കളാണ്. ദൈവ സിംഹാസനത്തിന് മുമ്പാകെ പരിമളം പരത്തുന്ന പൂച്ചെണ്ടുകളാണിവർ. അവരുടെ വിശുദ്ധിയുടെ പരിമളത്താൽ ദൈവം തന്നെ സന്തോഷിക്കുന്നു. ഈശോയുടെ കനിവു നിറഞ്ഞ ഹൃദയം ഈ ആത്മാക്കൾക്കൊരു നിത്യഗേഹമാണല്ലോ. ഹത്തിന്റേയും കരുണയുടേയും മധുരഗാനം അവർ എപ്പോഴും പാടിക്കൊണ്ടിരിക്കുകയും ചെയ്യട്ടെ.
നിത്യനായ പിതാവേ കനിവിന്നുറവയായ ഈശോയുടെ ഹൃദയത്തിൽ മറഞ്ഞിരിക്കുന്ന കൊച്ചുകുട്ടികളുടെ ശാന്തതയും എളിമയുമുള്ള ആത്മാക്കളുടെ മേൽ അങ്ങയുടെ ദയാദൃഷ്ടി പതിക്കണമേ. അങ്ങേ പുത്രന്റെ ഏറ്റവും അടുത്ത പ്രതിഛായകളാണവർ, ഭൂമിയിൽ നിന്നുയരുന്ന അവരുടെ സുഗന്ധം സ്വർഗ്ഗത്തിൽ അങ്ങയുടെ സിംഹാസനം വരെ എത്തുന്നു. കരുണയുടെ പിതാവേ! സർവ്വ നന്മകളുടെയും ഉറവിടമേ, ഈ ആത്മാക്കളോടുള്ള അങ്ങയുടെ സ്നേഹത്തെ പ്രതിയും അങ്ങേക്കിവരിലുള്ള പ്രസാദത്തെ പ്രതിയും ഞാൻ യാചിക്കുന്നു. ലോകം മുഴുവനേയും അങ്ങ് അനുഗ്രഹിക്കണമേ. അങ്ങനെ എല്ലാ ആത്മാക്കളുമൊന്നിച്ച് അങ്ങയുടെ കരുണയുടെ സ്തുതികൾ പാടിപ്പുകഴ്ത്തുവാൻ ഇടവരട്ടെ. എപ്പോഴും എന്നേക്കും
ആമ്മേൻ.
ഏഴാം ദിനം
(നിയോഗം: ദിവ്യകാരുണ്യഭക്തർക്കായി പ്രാർത്ഥിക്കുക)
ഏറ്റവും കരുണയുള്ള ഈശോയേ! അങ്ങയുടെ ഹൃദയം സ്നേഹം തന്നെയാണല്ലോ. അങ്ങയുടെ കരുണയുടെ ആഴത്തെ പുകഴ്ത്തുന്നവരുടെ ആത്മാക്കൾക്ക് അങ്ങയുടെ ഹൃദയത്തിൽ അഭയം നൽകണമേ.
ദൈവത്തിന്റെ തന്നെ ശക്തി സ്വീകരിച്ച് ശ്രേഷ്ഠത നിറഞ്ഞവരാണ് ആത്മാക്കൾ... ദുഃഖങ്ങളുടെ നടുവിലും അങ്ങയുടെ കാരുണ്യത്തിൽ ആശ്രയിച്ച് അവർ മുന്നോട്ട് പോകുന്നു. ഈശോയുമായി ഐക്യപ്പെട്ടിരിക്കുന്ന ഈ ആത്മാക്കൾ, മാനവലോകത്തെ മുഴുവൻ തങ്ങളുടെ മാദ്ധ്യസ്ഥം വഴിയായി തോളുകളിൽ സംവഹിക്കുന്നു. ഈ ആത്മാക്കൾ കഠിനമായി വിധിക്കപ്പെടുകയില്ലല്ലോ. ഈ ജീവിതത്തിൽ നിന്നു പിരിയുമ്പോൾ അങ്ങയുടെ കരുണ അവരെ ആലിംഗനം ചെയ്ത് സ്വീകരിക്കുമല്ലോ.
നിത്യനായ പിതാവെ! ഈശോയുടെ കരുണയുടെ ഹൃദയത്തിലെ ജീവിക്കുന്ന സുവിശേഷങ്ങളാണീ ആത്മാക്കൾ, കരുണയുടെ പ്രവൃത്തികളാൽ അവരുടെ ഹൃദയം നിറഞ്ഞിരിക്കുന്നു. സന്തോഷത്താൽ നിറഞ്ഞു തുളുമ്പുന്ന അവരുടെ ഹൃദയം അത്യുന്നതന്റെ കാരുണ്യം ആലപിക്കുന്നു. അങ്ങയിൽ അവർ സമർപ്പിച്ചിരിക്കുന്ന പ്രതീക്ഷക്കും ശരണത്തിനും അനുസൃതമായി അവരോട് കരുണ കാണിക്കണമേയെന്ന് ഞാനങ്ങയോട് യാചിക്കുന്നു. അങ്ങയുടെ അളവില്ലാത്ത കരുണയെ പുകഴ്ത്തുന്നവരെ ജീവിതകാലത്തും പ്രത്യേകിച്ച് മരണസമയത്തും സംരക്ഷിക്കുമെന്ന വാഗ്ദാനം അവരിൽ പൂർത്തിയാകട്ടെ. എപ്പോഴും എന്നേക്കും.
ആമ്മേൻ.
എട്ടാം ദിനം
(നിയോഗം: ശുദ്ധീകരണാത്മാക്കൾക്കായി പ്രാർത്ഥിക്കുക)
ഏറ്റവും കരുണയുള്ള ഈശോ! കരുണയാണ് അങ്ങ് ആഗ്രഹിക്കുന്നത് എന്നരുളിച്ചെയ്തിട്ടു ണ്ടല്ലോ. ശുദ്ധീകരണ സ്ഥലത്തുള്ള എല്ലാ ആത്മാ ക്കളെയും അങ്ങയുടെ സഹതാപാർദ്രമായ ഹൃദയ ത്തിൽ ഞാൻ സമർപ്പിക്കുന്നു. അങ്ങേക്ക് വളരെ പ്രിയപ്പെട്ടവരെങ്കിലും അങ്ങയുടെ നീതി പൂർത്തിയാക്കേണ്ടവരാണിവർ. അങ്ങയുടെ ഹൃദയത്തിൽ നിന്ന് പുറപ്പെട്ട രക്തവും ജലവും അഗ്നിജ്വാലകളെ ശമിപ്പി ക്കട്ടെ. അങ്ങനെ അങ്ങയുടെ കരുണയുടെ ശക്തി അവിടെയും പുകഴ്ത്തപ്പെടട്ടെ.
നിത്യനായ പിതാവേ! ഈശോയുടെ ദയ നിറഞ്ഞ ഹൃദയത്തിൽ സ്ഥാനമുള്ള ശുദ്ധീകരണ സ്ഥലത്തിലെ ആത്മാക്കളുടെ മേൽ അങ്ങയുടെ കരുണാകടാക്ഷം ഉണ്ടാകണമെ ഈശോ സഹിച്ച കനിറഞ്ഞ ക്ലേശങ്ങളെയും ആത്മാവിൽ നിറഞ്ഞ എല്ലാ സഹനങ്ങളെയും പ്രതി ഞാൻ അങ്ങയോട് യാചിക്കുന്നു. നീതിവിധിക്കു വിധേയ രായിരിക്കുന്ന ആത്മാക്കളുടെ മേൽ അങ്ങയുടെ കാരുണ്യം വർഷിക്കണം. അങ്ങയുടെ പ്രിയ പുത്രനായ ഈശോയുടെ തിരുമുറിവുകളിലൂടെ മാത്രം അവരെ നോക്കണം. അങ്ങയുടെ ദയയ്ക്കും നന്മയ്ക്കും അതിരുകളില്ലെന്ന് ഞാൻ ഉറച്ചു വിശ്വസിക്കുന്നു.
ആമ്മേൻ.
ഒൻപതാം ദിനം
(നിയോഗം: മന്ദഗതിയിൽ നിപതിച്ച ആത്മാക്കളുടെ രക്ഷക്കായി പ്രാർത്ഥിക്കുക)
ഏറ്റവും കുരണാർദ്രനായ ഈശോയെ! അങ്ങു കാരുണ്യം തന്നെയാകുന്നു. അങ്ങയുടെ കനിവു നിറഞ്ഞ ഹൃദയത്തിലേയ്ക്ക് മന്ദതബാധിച്ച ആത്മാക്കളെ ഞാൻ കൊണ്ടുവരുന്നു. ജീവനറ്റ ശരീരങ്ങളെപ്പോലെ ആറിത്തണുത്ത ഈ ആത്മാക്കളെ അങ്ങയുടെ സ്നേഹാഗ്നി ജ്വാലയാൽ ഒരിക്കൽ കൂടി എരിയിക്കണമേ.
ഏറ്റവും കാരുണ്യമുള്ള ഈശോയെ അങ്ങയുടെ കാരുണ്യത്തിന്റെ മഹനീയ ശക്തി ഇവരിൽ പ്രവർത്തിപ്പിക്കണമേ. അങ്ങയുടെ സ്നേഹതീക്ഷണതയിലേക്ക് ഇവരെ ആനയിപ്പിക്കണമേ, പരിശുദ്ധമായ സ്നേഹം അവരിൽ ചൊരിയണമേ. എന്തെന്നാൽ യാതൊന്നും അങ്ങയുടെ ശക്തിക്ക് അതീതമല്ലല്ലൊ.
നിത്യനായ പിതാവേ! ഏറ്റവും ദയയുള്ള ഈശോയുടെ തിരുഹൃദയത്തിൽ സ്ഥാനമുള്ള മന്ദത ബാധിച്ച ഈ ആത്മാക്കളുടെ മേൽ അങ്ങയുടെ ദയാദൃഷ്ടി പതിക്കണമെ, കാരുണ്യത്തിന്റെ പിതാവേ! അങ്ങേ പുത്രന്റെ കയ്പേറിയ പീഡകളെ പ്രതിയും കുരിശിലെ മൂന്നു മണിക്കൂർ സമയത്തെ സഹനത്തെ പ്രതിയും ഞാനങ്ങയോടു യാചിക്കുന്നു. അവരും അങ്ങയുടെ അഗാധ കാരുണ്യത്തെ മഹത്വപ്പെടുത്തുവാനിടയാകട്ടെ.
ആമ്മേൻ
ലുത്തിനിയ
കർത്താവേ! ഞങ്ങളുടെമേൽ കരുണയുണ്ടാകണമേ.
മിശിഹായേ! ഞങ്ങളുടെമേൽ കരുണയുണ്ടാ കണമേ
കർത്താവേ! ഞങ്ങളുടെമേൽ കരുണയുണ്ടാകണമേ
മിശിഹായേ! ഞങ്ങളുടെ പ്രാർത്ഥന കേൾക്കണമേ
മിശിഹായേ! ദയാപൂർവ്വം ഞങ്ങളുടെ പ്രാർത്ഥന കേൾക്കണമേ
സ്വർഗ്ഗീയ പിതാവായ ദൈവമേ! ഞങ്ങളുടെമേൽ കരുണയുണ്ടാകണമേ.
പുത്രനായ ദൈവമേ ലോകത്തിന്റെ വിമോചകാ! ഞങ്ങളുടെ മേൽ കരുണയുണ്ടാകണമേ.
സൃഷ്ഠാവിന്റെ ഏറ്റം വലിയ വിശേഷണമായ ദൈവ കാരുണ്യമേ!
പരിശുദ്ധാത്മാവിന്റെ അളവില്ലാത്ത സ്നേഹമായ
ദൈവ കാരുണ്യമേ!
പരി. ത്രീത്വത്തിന്റെ അഗ്രാഹ്യ രഹസ്യമായ
ദൈവകാരുണ്യമേ
അത്യുന്നതന്റെ സർവ്വശക്തിയുടെ പ്രകടനമായ
ദൈവകാരുണ്യമേ!
അമാനുഷസൃഷ്ടികളിൽ വെളിപ്പെടുത്തപ്പെട്ട
ദൈവകാരുണ്യമേ!
ഇല്ലായ്മയിൽ നിന്നു നമ്മെ വിളിച്ച
ദൈവകാരുണ്യമേ!
പ്രപഞ്ചത്തെ മുഴുവൻ ചൂഴ്ന്നു നിൽക്കുന്ന
ദൈവകാരുണ്യമേ!
ഞങ്ങളിൽ അമർത്യത വിതയ്ക്കുന്ന
ദൈവകാരുണ്യമേ!
അർഹിക്കുന്ന ശിക്ഷയിൽ നിന്നു ഞങ്ങളെ രക്ഷിക്കുന്ന
ദൈവകാരുണ്യമേ!
പാപത്തിന്റെ ദുരിതത്തിൽനിന്നു നമ്മെ ഉയർത്തുന്ന
ദൈവകാരുണ്യമേ!
സൃഷ്ടലോകത്തിൽ ഞങ്ങളുടെ നീതീകരണമായ
ദൈവകാരുണ്യമേ!
ഈശോയുടെ തിരുമുറിവുകളിൽ നിന്നൊഴുകന്ന
ദൈവകാരുണ്യമേ!
ഈശോയുടെ പരി.ഹൃദയത്തിൽ നിന്നും പുറപ്പെടുന്ന
ദൈവകാരുണ്യമേ!
കരുണയുടെ മാതാവായി അമലമനോഹരിയായ പരി.മറിയത്തെ നല്കിയ
ദൈവകാരുണ്യമേ!
ദൈവരഹസ്യങ്ങളുടെ വെളിപ്പെടുത്തലിൽ പ്രകാശിതമായ
ദൈവകാരുണ്യമേ!
സാർവ്വതീകസഭയുടെ സ്ഥാപനത്തിൽ പ്രകടിതമായ
ദൈവകാരുണ്യമേ!
പരി. കൂദാശയിൽ പ്രകടമായിരിക്കുന്ന
ദൈവകാരുണ്യമേ!
മാമ്മോദീസായിലും പാപസങ്കീർത്തനത്തിലും പ്രകടനമായിരിക്കുന്ന
ദൈവകാരുണ്യമേ!
പൗരോഹിത്യത്തിലും ദിവ്യബലിയിലും പ്രദാനം ചെയ്യപ്പെട്ടിരിക്കുന്ന
ദൈവകാരുണ്യമേ!
ക്രിസ്തീയ വിശ്വാസത്തിലേക്കു ഞങ്ങളെ ക്ഷണിച്ച
ദൈവകാരുണ്യമേ!
പാപികളുടെ മാനസാന്തരത്തിൽ വെളിപ്പെടുത്തപ്പെട്ട
ദൈവകാരുണ്യമേ!
വിശുദ്ധരെ പൂർണ്ണതയിലെത്തിക്കാൻ സഹായിക്കുന്ന
ദൈവകാരുണ്യമേ!
രോഗികളുടേയും സഹിക്കുന്നവരുടേയും ആരോഗ്യ പാത്രമായ
ദൈവകാരുണ്യമേ!
ദുഃഖിതർക്ക് ആശ്വാസമായ
ദൈവകാരുണ്യമേ!
നിരാശയിൽ വേദനിക്കുന്നവരുടെ പ്രതീക്ഷയായ
ദൈവകാരുണ്യമേ!
എല്ലാ മനുഷ്യരേയും എല്ലായ്പ്പോഴും എവിടെയും അനുഗമിക്കുന്ന
ദൈവ കാരുണ്യമേ!
പ്രസാദവരങ്ങളിൽ മുന്നാസ്വാദനം നല്കുന്ന
ദൈവകാരുണ്യമേ!
മരിക്കുന്നവരുടെ ആശ്വാസമായ
ദൈവകാരുണ്യമേ!
അനുഗ്രഹീതരുടെ ആനന്ദമായ
ദൈവകാരുണ്യമേ!
എല്ലാ വിശുദ്ധരുടേയും കിരീടമായ
ദൈവകാരുണ്യമേ!
അത്ഭുതങ്ങളുടെ വറ്റാത്ത ഉറവയായ
ദൈവകാരുണ്യമേ!
കുരിശിൽ ലോകത്തെ രക്ഷിച്ച് ഞങ്ങളുടെ മേലുള്ള ഏറ്റവും വലിയ കരുണ പ്രകടിപ്പിച്ച ദൈവത്തിന്റെ കുഞ്ഞാടേ.
കർത്താവേ ഞങ്ങളുടെ പ്രാർത്ഥന കേൾക്കണമേ.
എല്ലാ ദിവ്യബലികളിലും ഞങ്ങൾക്കുവേണ്ടി സമർപ്പിച്ചുകൊണ്ടിരിക്കുന്ന ദൈവത്തിന്റെ കുഞ്ഞാടേ
കർത്താവേ ഞങ്ങളുടെ പ്രാർത്ഥന കേൾക്കണമേ
അങ്ങയുടെ അളവില്ലാത്ത കരുണയിൽ ലോകപാപങ്ങളെല്ലാം നീക്കുന്ന ദൈവത്തിന്റെ കുഞ്ഞാടേ,
കർത്താവേ ഞങ്ങളുടെ പ്രാർത്ഥന കേൾക്കണമേ.
കർത്താവേ! ഞങ്ങളുടെ മേൽ കരുണയുണ്ടാകണമേ.
മിശിഹായേ! ഞങ്ങളുടെമേൽ കരുണയുണ്ടാകണമേ.
കർത്താവേ! ഞങ്ങളുടമേൽ കരുണയുണ്ടാകണമേ.
കർത്താവിന്റെ എല്ലാ സൃഷ്ടികളിലും അവിടുത്തെ മൃദുവായ കരുണ പരന്നിരിക്കുന്നു.കർത്താവിന്റെ കരുണ ഞാനെന്നും പാടിപ്പുകഴ്ത്തും.
സമാപന പ്രാർത്ഥന
അനന്തമായ ദയയുടേയും, സ്നേഹത്തിന്റെ യും, ഇരിപ്പിടമായ ഞങ്ങളുടെ സ്വർഗ്ഗീയ പിതാവേ, ഞങ്ങളുടെ ജീവിതം കഷ്ടപ്പാടുകളിലൂടേയും, ക്ലേശങ്ങളിലൂടേയും കടന്നുപോകുമ്പോൾ ഞങ്ങൾ ഒരിക്കലും നിരാശപ്പെട്ട് അങ്ങയെ ഉപേക്ഷിച്ച് അങ്ങയിൽനിന്നും അകന്നുപോകാതെ, അങ്ങയിൽ ആശ്രയിച്ച് വലിയ പ്രതീക്ഷകളോടെ അങ്ങയുടെ തിരുസ്നേഹത്തിന്റേയും കരുണയുടേയും ഇംഗിതത്തിന് കീഴ്പ്പെട്ട്, ജീവിക്കാനുള്ള ഭാഗ്യം ഞങ്ങൾക്ക് അങ്ങ് നൽകണമേ.
ആമ്മേൻ.
